السودان اولا
#السودان_اولا
طبعا لو كنا دولة مؤسسات حيكون مصالح السودان أولا و بكون عندنا رؤية متكاملة للعلاقات الخارجية عايزين نحقق بيها اهداف بتمثل المصلحة الوطنية العليا للسودان من ضمنها محددات الامن القومي اجتماعيا و اقتصاديا و سياسيا و امنيا... الخ من الأهداف ، وقتها بنجي نشوف كيف يتم تحقق هذه الأهداف من خلال العلاقات خارجية؟
عليه سيكون بوصلة علاقاتنا الخارجية يتقومعلى رؤية استراتيجية و مصالح متبادلة مع دول مختلفة في العالم و بصورة برغماتية لتحقق مصالح المواطنين والمواطنات السودانييين.
في هذا الإطار لو مصالح شعبنا بتتلاقى مع إسرائيل و بشكل ندي زي علاقتنا مع اسبانيا او مع جنوب افريقيا او تونس بنمشي في بناء علاقات دبلوماسية بالمزيكة.
مثلا عايزين نطور الزراعة في السودان و يكون المنتجات الزراعية السودانية ندخل سوق التنافس في البورصات وترجع لنا بالعملة الصعبة ، و لقينا فرصة انو نستفيد من التقنيات الزراعية الإسرائيلية مقابل بناء علاقات دبلوماسية مع إسرائيل بفتح سفارات متبادلة بين الخرطوم و تل ابيب ، مصلحة إسرائيل إنها قدرت تخلق علاقات مع دولة في تصنيفها الامني دولة معادية و نحن مصلحتنا انو نطور من اقتصادنا بازدهار الزراعة و ايجاد فرص عمل للملايين العطالة و نغذي خزينة وزارة المالية و عملتنا تكون عندها قيمة مقابل العملات الخارجية.
كدا من خلال المقاربة البسيطة دي و عارف انها مخلة جدا في توصيف العلاقات الخارجية في السياسة الدولية لكن بتعيد التفكير في شنو البخلينا نستعدي دولة وشنو بخلينا نخلق علاقة مع دولة. انت يا الكاشف شنو البخليك ضد بناء علاقات مع إسرائيل عشان هي عندها شكلة مع فلسطين و الفلسطنيين ذات نفسهم هم عندهم علاقات قوية مع الاسرائييل.
#galal_2020
ليست هناك تعليقات